Policia njofton se në tre lokacione janë gjetur armë dhe fishekë të llojeve dhe kalibrave të ndryshëm.

Ndërsa të dyshuarit për armëmbajtje pa leje janë dërguar në mbajtje.

Njoftimi i plotë:

“Lipjan / 26.04.2024 – 07:10. Gjatë kontrollit në shtëpinë e të dyshuarit mashkull kosovar, është gjetur dhe konfiskuar një armë zjarri Pushke gjuetie me 10 fishekë. Pas intervistimit, me vendim të prokurorit i dyshuari është liruar në procedurë të rregullt.

Prishtinë / 26.04.2024 – 08:00. Raportohet se me vendim te prokurorit nga njësitet policore janë bastisur pesë shtëpi dhe një villë, me ç’rast janë gjetur dhe konfiskuar një armë zjarri AK-47 me një karikator dhe 31 fishekë, një armë zjarri Canik me një karikator dhe 17 fishekë, një armë zjarri TT me një karikator dhe 7 fishekë si dhe një armë gjuetie dhe 6 fishekë. Lidhur me rastin dy të dyshuar meshkuj kosovarë janë arrestuar, dhe pas intervistimit me vendim të prokurorit janë dërguar në mbajtje.

Prishtinë / 26.04.2024 – 20:10. Është arrestuar i dyshuari mashkull kosovar për shkak se gjatë kontrollit tek i njëjti është gjetur dhe sekuestruar një thikë. I dyshuari me vendim të prokurorit pas inicimit të rastit është dërguar në mbajtje.” /Lajmi.net/