“Los Blancos” janë në top formë, që kanë fituar pesë ndeshjet e fundit dhe mbesin të pamposhtur këtë edicion, transmeton lajmi.net.

Por, ndeshjet e Realit janë të shumta, ngase do zhvillojnë gjashtë ndeshje në 14 ditë mes 14 shtatorit dhe 28 shtatorit, ku do përfundojnë në sfidën ndaj Sheriff.

Për këtë arsye, Ancelotti pritet të bëjë disa ndryshime para sfidës ndaj Mallorcas, që të pushojë disa lojtarë për ndeshjet e tjera.

Mesfushori Eduardo Camavinga që ka shkëlqyer tre herë si zëvendësues, pritet të debutojë për herë të parë si titullar.

Casemiros do t’i jepet pushim, derisa pranë Camavingas do jenë dy mesfushorët Federico Valverde dhe Isco.

Talenti Miguel Gutierrez pritet të jetë në krahun e majtë të mbrojtjes, derisa Lucas Vazquez të nis nga krahu i djathtë.

Kurse, sulmi të ndërtohet nga treshja Rodrygo, Benzema, Vinicius, ku Eden Hazard do qëndrojë në bankinë.

Formacioni i mundshëm i Real Madridit ndaj Mallorcas:

Courtois; Miguel, Alaba, Militao, Vazquez; Camavinga, Valverde, Isco; Vinicius, Rodrygo, Benzema.

Ndeshja zhvillohet sonte (e mërkurë) në “Santiago Bernabeu” dhe nis në ora 22:00./Lajmi.net/