Ish-mesfushori i Juventus, Miralem Pjanic ka folur për situatën e Massimiliano Allegri te ‘Zonja e Vjetër’.

Raportime të shumta e lidhin Maxi Allegri me një shkarkim të mundshëm nga pozita e trajnerit të Juve.

Lidhur me këtë disa komente ka dhënë Miralem Pjanic, i cili thotë se një veprim i tillë nuk do të kishte sens.

“Një ndryshim nuk do të bënte sens tani. Juventusi i Allegrit mund t’i kthejë gjërat, por duhet të reflektojnë të gjithë”, ka thënë Pjanic, transmeton lajmi.net.

“Askush s’mund të jetë i lumtur, duke filluar nga lojtarët.  Allegri dhe stafi po bëjnë detyrat e tyre. Sezoni është i balancuar dhe çdo gjë mund të ndodh”, shtoi mes tjerash boshnjaku.

Juventus janë në një krizë rezultatesh. Një shkarkim i Allegri mund t’i kushtojë edhe një ‘mal me para’ ‘Zonjës së Vjetër’. /Lajmi.net/