Kryetari i Prishtinës, Përparim Rama, ka komentuar kandidaturën e tij për kryetar të Lidhjes Demokratike të Kosovës, duke theksuar se në parti duhet të ketë demokraci dhe zgjedhje të lira.

I pyetur se si është pritur nga partia shpallja e kandidaturës së tij, Rama u përgjigj, raporton lajmi.net

“Këtu e di që kemi demokraci, a po? Zgjedhje demokratike”, ka deklaruar kryetari i Prishtinës, Përparim Rama, kur është pyetur se si e ka pritur partia shpalljen e kandidaturës së tij për kryetar të Lidhjes Demokratike të Kosovës (LDK).

Sa i përket asaj nëse kandidaturën e tij e ka diskutuar paraprakisht me strukturat e partisë, Rama tha se kjo çështje ishte diskutuar që në muajin janar.

“Kemi pas moti në janar”, tha ai.

Ndërkohë, më 30 korrik, Lumir Abdixhiku u rikonfirmua në krye të Lidhjes Demokratike të Kosovës./Lajmi.net/