Pas triumfit në Ligën e Kampionëve, Real Madrid do të jetë dukshëm më i qetë në kërkim të përforcimeve gjatë afatit kalimtar të verës.

Aktualisht, janë tri reparte ku Los Blancos janë në kërkim të përforcimeve pa përjashtuar mundësinë e angazhimit të një portieri të ri nëse njëri mes Iker Casillas dhe Diego Lopez vendos të largohet nga Santiago Bernabeu.

Shkojmë me radhë, duke filluar nga mbrojtja. Mbrojtësi i majtë i Milanit, Mattia de Sciglio është objektiv i Real Madridit, njësoj sikurse Ashley Cole, David Alaba e Alberto Moreno. Në mesfushë emrat janë nga më të ndryshmit.

Dyshja e Juventusit, Arturo Vidal e Paul Pogba, si dhe mesfushori i Bayern Munichut, Toni Kroos dhe ylli kroat i Sevillas, Ivan Rakitic.

Në sulm, objektivi kryesor është Luis Suarez, golgeteri fantastik i Liverpoolit.

Mirëpo, drejtuesit e Real Madridit janë duke shqyrtuar mundësinë edhe për angazhimin e dikujt mes Sergio Aguero, Mario Mandzukic dhe Radamel Falcao.