Ilir Azemi shpëtoi nga vdekja pas aksidentit të rëndë me veturë. Mirëpo, përplasja mund t’i kushtojë shtrenjtë sa i përket karrierës së tij.

Sipas “Liga-Zwei”, sulmuesi i Përfaqësueses së Kosovës mund të pensionohet nga futbolli aktiv pas përplasjes së rëndë që pësoi.

Konkludimi erdhi pas informatave të marra nga klubi i Azemit, Greuther Furth, që spekulohet se ka filluar kërkimin për një qendërsulmues të ri, në javët e mbetura të afatit kalimtar të verës.

Gjendja e Azemit është stabile, edhe pse ai vazhdon të trajtohet në qendrën e kujdesit intensiv.