Në vazhdim të publikimit të gazetës gjermane “Der Spiegel” lidhur me pjesëmarrjen e Greqisë në eurozonë, kreu i liberalëve në Parlamentin Europian, Guy Verhofstadt apeloi që të ndërpritet çdo diskutim lidhur me atë që quhet “Grexit” (bashkim fjalësh: Greece + exit), transmeton gazeta Shqiptarja.

“Nuk duhet t’i lejojmë vetes të krijojmë një profeci vetpërmbushëse. Në vend që të flasim për një Grexit të mundshëm, do të duhet të përqendrohemi në zgjidhjen e problemit të investimeve në Greqi dhe në vende të tjera që përballen me të njëjtin problem”, tha Verhofstadt.

“Evropa po përballet me një vakuum investimesh me vlerë 700 miliardë euro”, theksoi ai.