Partia Demokratike e Kosovës e ka shpallur fitoren në Prizren, Vushtrri dhe Kaçanik.

Në një postim në Facebook, ky subjekt politik ka falënderuar të gjithë qytetarët për mbështetjen që i kanë dhënë.

“Puna e kryetarëve tanë nga radhët e PDK-së vazhdon, me përkushtim e përgjegjësi, për çdo qytetar – pa dallim. Mirënjohje të veçantë për secilin qytetar që sot votoi për PDK-në, në të gjitha komunat ku garuam”.

“Mirënjohje të gjithë kandidatëve tanë për Kryetarë të cilët garuan në këtë fushatë, për punën e jashtëzakonshme që kanë bërë. PDK përmbyllë këtë kampanjë elektorale si partia më të votuar në nivel vendi, me 187,526 vota, me fitore në gjashtë komuna dhe me më së shumti asamblistë, 206”, thuhet në njoftim.

PDK ka theksuar se do të vazhdojnë përpara me punë, me besim dhe me vizion të qartë për një të ardhme më të mirë për çdo qytetar dhe për të gjithë Kosovën.