Shefja në detyrë e zyrs së BE-së në Kosovë, Eva Palatova ka mirëpritur në Kosovë Presidentin e Këshillit Evropian, Antonio Costan.

Ajo është shprehur e nderuar pasi ka mirëpritur Costan para takimeve të tij me përfaqësuesit institucional dhe politikë të Kosovës, ndërsa ka përmendur edhe Samitin BE-Ballkani Perëndimor që ka thënë se do të mbahet këtë javë.

“Mundësia e zgjerimit të BE-së është reale. Kosova ka nevojë për institucione plotësisht funksionale sa më shpejt të jetë e mundur”, ka shkruar Palatova.

Costa ka ardhur sot në Kosovë në kuadër të vizitës së tij në Ballkanin Perëndimor.

Ai ka filluar takimin me ushtruesen e detyrës së Presidentes, Albulena Haxhiun ndërsa më pas pritet të takohet edhe me kryeministrin në detyrë Albin Kurtin dhe liderët e partive politike. /Lajmi.net/ 

Postimi i plotë:

Honoured to welcome @eucopresident to Pristina today ahead of his mtgs with Kosovo’s institutional and political reps & the EU-Western Balkans Summit later this week.
Opportunity of EU enlargement is real. Kosovo needs fully functional institutions ASAP.#GrowthPlan #EUbyYourSide pic.twitter.com/kvk9Mhz6wD

— Eva Palatová (@EUActingHeadKS) June 3, 2026