Presidentja Vjosa Osmani po qëndron në Zvicër, ku dje filloi vizitën e saj dy ditore zyrtare.

E para e shtetit të Kosovës është pritur me një ceremoni të organizuar shtetërore nga presidentja e konfederatës helvetike, Karin Keller Sutter.

Keller- Sutter ishte nikoqire e Osmanit bashkë me qindra shqiptare që dolën për ta pritur atë.

Shqiptarë të shumtë u mblodhën në qendrën e Bern-it pikërisht për të mirëpritur e vlerësuar lart presidenten Osmani.

“Zemra e Kosovës rreh me ritmin e mërgatës! Faleminderit për pritjen madhështore në Bern!”,tha Osmani.

Por ngjashëm kishte ndodhur edhe me kreun e Vetëvendosjes, Albin Kurti përgjatë fushatës.

Në fushatën e tij elektorale para zgjedhjeve të 9 shkurtit, Kurti pati zgjedhur Zvicrën pas Gjermanisë që të mblidhej me bashkatdhetarët.

“Zvicra është një pikëtakim i veçantë me mërgatën tonë të shkëlqyeshme”, tha Kurti asokohe.

Duke përkujtuar këtu faktin se Kutri ende s’ka arritur që të marrë mandatin e dytë të fituar nga zgjedhjet e 9 shkurtit- presidentes Osmani veçse brenda një kohë i përfundon mandate.

Nuk dihet nëse Osmani do të rikandidojë për t’u zgjedhure dhe një herë presidente apo ndoshta ajo do të futet sërish si pjesë e politikës përmes ndonjë partie politike.

Në rast të kësaj- padyshim se këto takime në mërgatë po e “rivalizojnë” Kurtin sa i përket votave e përkrahjes atje./Lajmi.net/