OKB kundër diskriminimit të homoseksualëve në Kirgizi
OKB ka ngritur shqetësim lidhur me aprovimin e ligjit kundër homoseksualëve në shtetin e Kirgizisë.
Bota
Komisionieri i lartë i Kombeve të Bashkuara për të Drejtat e Njeriut i ka bërë thirrje qeverisë në Kirgizisë që të mos e miratojë projektligjin kundër homoseksualëve.
Deklarata e lëshuar sot nga OKB thotë se draft-ligji shkelë të drejtat fondamentale të njeriut, përfshirë të drejtat e lirisë, sigurisë, integritetit fizik dhe të lirisë së shprehjes.
Javën e kaluar, Parlamenti i Kirgizisë ka miratuar në lexim të parë draft-ligjin përmes të cilit personat që promovojnë të drejtat e homoseksualëve, të dënohen me një vit burg.
Ligji përfshin edhe gazetarët të cilët shkruajnë për të drejtat e homoseksualëve dhe po ashtu ndalon formimin e grupeve për të drejtat e çifteve të të njëjtës gjini.
Tani pritet që draft-ligji të kalojë edhe dy leximet në parlament dhe më pas të nënshkruhet nga Presidenti./REL/