Një bombë vjen nga Anglia. Manchester United është duke e përgatitur një ofertë të majme, për ta bindur Real Madridin që ta shesë yllin portugez, Cristiano Ronaldo.

Sipas uebfaqes “Caughtoffside”, “Djajtë e Kuq” i kanë përgatitur 73 milionë euro, vetëm për ta bërë sërish të vetin përfaqësuesin portugez, i cili i kaloi pesë sezone tek “Los Blancos”, duke fituar pothuajse gjithçka.

Presidenti ekzekutiv i gjigantit anglez, Ed Woodward e ka ndërtuar një projekt, përmes së cilit synon ta kthejë CR7 në Old Trafford, ku pati po ashtu një eksperiencë të suksesshme.

Megjithatë, do të jetë paksa e vështirë që “Merengues” të heqin dorë nga 29 vjeçari, i cili momentalisht është futbollisti më i mirë në botë.