Obama thotë se do të përmbushë premtimin për mbylljen e Guantanamos
Presidenti amerikan Barack Obama thotë se do të bëjë çdo përpjekje për të mbyllur burgun ushtarak në Gjirin e Guantanamos në Kubë, duke përmbushur kështu një premtim të bërë gjatë fushatës.
Bota
Në një intervistë për rrjetin CNN, Obama tha se “burgu vazhdon të frymëzojë xhihadistët dhe ekstremistët në gjithë botën” dhe se “Shtetet e Bashkuara po shpenzojnë miliona dollarë për çdo të burgosur që mbahet atje”.
Sipas presidentit amerikan, ekzistenca e këtij burgu bie ndesh me vlerat e Shteteve të Bashkuara.
