Calciomercato.it pretendon se trajneri i ka dhënë disponueshmërinë e tij Romës për sezonin e ardhshëm, ndërsa Presidenti i Juventusit Andrea Agnelli nuk e ka mohuar një takim me Allegrim, transmeton lajmi.net.

Prandaj, La Gazzetta dello Sport shkoi te një burim i mirë informacioni, mentori dhe shoku i Allegrit, Galeone.

“Unë fola me të disa ditë më parë dhe ai është i sigurt se do të kthehet në punë në qershor, kështu që kjo do të thotë se ai ka diçka në duart e tij”.

“Unë nuk e pyes atë se çfarë është dhe nuk dua të më tregojë, por mund të konfirmoj se ai dukej shumë i sigurt”.

A mund të ketë një kthim në Juventus pas takimit me Agnelli dhe vështirësive të trajnerit aktual Andrea Pirlo?

“Ai shkon shumë mirë me Agnelli dhe ata folën disa herë edhe vitin e kaluar. Ata nuk e kanë braktisur plotësisht njëri-tjetrin”.

“Nuk e di nëse kthimi i tij në Juve është i mundur ose në çfarë kushtesh, por nuk do ta përjashtoja atë”, ka përfunduar miku më i ngushtë i Allegrit duke lënë të hapur çështjen e rikthimit të tij në Juventus./Lajmi.net/