Frenkie de Jong ka udhëtuar sot drejt Londrës.

Teksa kanë mbetur vetëm pak ditë deri në mbylljen e afatit kalimtar të verës, e ardhmja e De Jong vazhdon të jetë e paqartë.

Sot në Spanjë u raportua se mesfushori ka udhëtuar drejt Londrës, ndërsa ende nuk dihet cila është arsyeja, përcjell lajmi.net.

Së fundmi holandezi ka qenë i lidhur me një kalim te Chelsea, andaj nuk përjashtohet mundësia për një udhëtim për të arritur marrëveshje.

Gjatë rrugës për në aeroport lojtari u pyet nga emisioni ‘El chiringuito’ nëse do të qëndrojë në ‘Camp Nou’, por ai hezitoi të përgjigjej.

Në Spanjë më pas u raportua se lojtarët e Barçës kanë disa ditë të lira dhe udhëtimi i tij mund të jetë një pushim i shkurtër për De Jong.

Mbetet të shihet nëse udhëtimi i mesfushorit drejt Anglisë është thjeshtë pushim, apo për të arritur marrëveshje./Lajmi.net/