Në deklaratën e Samsung-ut, thuhet se Lee vdiq të dielën pranë familjes së tij, raporton “DailyMail”, transmeton lajmi.net.

Lee Kun-Hee ishte shtruar në spital që nga maji i  vitit 2014 pasi pësoi një sulm në zemër.

“Të gjithë ne në Samsung do të çmojmë kujtimin e tij dhe jemi mirënjohës për udhëtimin që ndamë me të”, thuhet në deklaratën e Samsung-ut.

Lee Kun-Hee trashëgoi kontrollin nga babai i tij dhe gjatë gati 30 viteve të udhëheqjes së tij, Samsung Electronics Co. u bë një markë globale dhe prodhuesi më i madh në botë i telefonave inteligjentë, televizioneve dhe çipave të kujtesës, transmeton lajmi.net.

Lee lë pas pasuri të madhe, me Forbes që vlerëson pasurinë e tij në 16 miliardë dollarë që nga janari 2017.

Autoriteti i tij pothuajse absolut e lejoi kompaninë të merrte vendime të guximshme në industrinë e teknologjisë që ndryshon shpejt.

Ato lëvizje të rrezikshme nxitën ngritjen e Samsung.

Në vitin 2007, një ish-avokat i ndërmarrjes akuzoi Samsung për keqpërdorim. Lee Kun-Hee u padit më pas për evazion fiskal dhe akuza të tjera.

Lee dha dorëheqjen si kryetar i Samsung Electronics dhe u dënua tre vjet burg. Ai mori një falje presidenciale në 2009 dhe u kthye në menaxhimin e Samsung në 2010. /Lajmi.net/