Ndeshja mes Romës dhe Parmës është ndërprerë pas reshjeve të mëdha të shiut që shkaktuan vërshimin e fushës në stadiumin Olimpico.

Asnjëra skuadër nuk ishte në gjendje të krijonte ndonjë rast për shënim pas tetë minutash lojë, dhe gjyqtari me asistentët e tij e inspektuan edhe njëherë terrenin nëse është në gjendje të vazhdojë loja.

Tifozët vendas mirëpritën çdo kërcim të topit, por vërshëllyen vendimin për ndërprerjen e ndeshjes.

Giallorossët shpresonin të fitonin në mënyrë që të afrohen në tri pikë ndaj liderit Juventus, së paku përkohësisht, para ballafaqimit mes Bianconerëve dhe Interit në mbrëmje.