Analisti Shënoll Muharremi ka reaguar lidhur me harmonizimin e Deklaratës për Aktgjykimin e 16 shtatorit dhe mundësinë e ndryshimit të Ligjit për Dhomat e Specializuara.

Muharremi ka ngritur dy skenarë nëse është e vërtetë se gjatë harmonizimit të deklaratës janë larguar dispozitat më të rëndësishme për ndryshimin e ligjit.

Sipas tij, një mundësi është që LVV-ja të mos e përkrahë ndryshimin e ligjit, ndërsa skenari tjetër, sipas tij, është që kryeministri Albin Kurti ta përdorë këtë çështje si levë për zgjedhjen e një presidenti që ai preferon, duke kërkuar mbështetjen e PDK-së në këmbim të përkrahjes për ndryshimet ligjore.

“Nuk bëhen, more djem, pazare politike me tema kaq të rëndësishme. As Ligji për Dhomat e Specializuara e as Presidenti i Kosovës nuk janë tema për pazare politike”, ka shkruar Muharremi.