David Moyes beson se Manchester United e ka një rast për ta eliminuar Bayern Munichun nga Liga e Kampionëve, pas barazimit 1:1 në Old Trafford.

Vendësit avancuan në pjesën e dytë me Nemanja Vidic, por udhëtuesit i barazuan shifrat përmes Bastian Schëeinsteiger.

Rezultati e lë Bayernin me avantazhin e golit të mysafirit, për ndeshjen e kthimit çerekfinale në Allianz Arena, por Moyes është optimist se ekipi i tij mund të kalojë në gjysmëfinale.

“Ne e dimë se duhet të shënojmë gol. Për momentin, nëse ndeshja përfundon pa gola, Bayerni shkon përpara. Ne duhet të bëjmë diçka për këtë”, deklaroi ITV Sport.

“Mendoj se sonte ne thamë se duam të shkojmë në gjysmëfinale me gjasa reale, duke luftuar. Mendoj se e bëmë këtë. Ne ia dhamë vetes një mundësi të mirë të mundohemi të shkojmë në Munich dhe ta marrim një fitore”, përfundoi ish trajneri i Evertonit.