Organizatori i protestës “Jo në emrin tim”, Çlirim Haziri, u ka bërë thirrje deputetëve që të mos e kushtëzojnë Ligjin për UÇK-në me postin e Presidentit.

Haziri ka thënë se qytetarët tash e 20 ditë po qëndrojnë në shesh, duke pritur që përfaqësuesit e tyre në Kuvend ta votojnë këtë ligj.

“U bëj thirrje të gjithë deputetëve të mos e kushtëzojnë Ligjin për UÇK-në me postin e Presidentit. Ky shesh nuk ka heshtur tash e 20 ditë. Jemi duke pritur përfaqësuesit tanë që ta votojnë Ligjin për UÇK-në”, ka deklaruar Haziri.

Ai e ka bërë këtë deklaratë në kuadër të protestës “Jo në emrin tim”, e cila po mbahet në Prishtinë lidhur me kërkesat për miratimin e Ligjit për UÇK-në. /Lajmi.net/