Një burrë është gjetur pa shenja jete në shtëpinë e tij mbrëmjen e së shtunës në Mitrovicën e Veriut.

Sipas raportit 24-orësh të Policisë, në vendin e ngjarjes kanë dalë menjëherë njësitet policore dhe ekipi mjekësor, të cilët kanë konstatuar vdekjen e viktimës. Rrethanat e këtij rasti janë duke u hetuar nga autoritetet përkatëse.

“Me vendim të prokurorit, trupi i pajetë është dërguar në Institutin e Mjekësisë Ligjore (IML) për obduksion”, thuhet në njoftimin e Policisë së Kosovës. /Lajmi.net/