Drejtori teknik Paolo Maldini beson se italiani do jetë ndër protagonistet te “Rossonerët” në të ardhmen, andaj do aktivizojë opsionin e blerjes, transmeton lajmi.net.

Tonali arriti verën e kaluar për 10 milionë euro nga Brescia dhe Milan duhet të shtojë edhe 25 milionë euro për të nënshkruar përfundimisht me 20-vjeçarin.

Tonali ka nënshkruar kontratë me Brescian deri në vitin 2022 dhe ka zhvilluar 25 ndeshje që nga arritja në “San Siro”.

Gazeta italiane Gazzetta dello Sport, raporton se Milan do e aktivizojë opsionin e blerjes për mesfushorin defensivë që ka zhvilluar edhe katër ndeshje me Kombëtaren e Italisë./Lajmi.net/