Skuadra e Milan do të synojë një marrëveshje me Chelsea, për Loftus-Cheek.

Ruben Loftus-Cheek është lojtari që po merr vëmendjen e skuadrës së Milan, që kur palët u përballën në Champions League.

Sipas raportimeve nga mediat italiane, Milan janë duke kontaktuar me ‘Blutë’, për të gjetur një marrëveshje për lojtarin, përcjell laljmi.net.

26-vjeçari anglez luajti për 90 minuta në fitoren 3:0 të Chelsea kundër Milan, si dhe luajti për gjysmë ore në fitoren 2:0 në ndeshjen kthyese.

‘Rossoneri’ ishin të mahnitur nga ajo që panë prej lojtarit në paraqitjet në fjalë.

Paolo Maldini dhe Massara i janë qasur skuadrës së Chelsea dhe duan një marrëveshje qysh në merkaton e janarit. /Lajmi.net/