Pasi Porsche Panamera Turbo S mori titullin e sedanit më të shpejtë premium, në Mercedes, puna është në aktivitet e sipër për një kundërpërgjigje.

Dhe ai do të jetë jashtëzakonisht brutal. Emri i tij është AMG GT 73 dhe qëndron mbi GT 63 i cili me përbindëshin V8 kap 100 km/orë në 3.2 sekonda, transmeton Telegrafi.

Kjo është një makinë hibride, e cila do të ndërthurë shërbimet më të mira të AMG-së.

Makina ka një motor 4.0 V8, i cili zhvillon mbi 800 kuaj fuqi.

Por deri më tani dihet pak për këtë veturë.

Gjithsesi ajo pritet të arrijë 100 km/orë në më pak se 3 sekonda pa ndonjë problem, dhe shpejtësia e saj maksimale pritet të jetë gati 350 km/orë.