Manchester City ka arkëtuar pikët e plota nga udhëtimi tek Evertonit, në takimin e vlefshëm për xhiron e 19-të në elitën e futbollit anglez.

“Qytetarët” kanë triumfuar 1:2 me përmbysje në rezultat kundër Evertonit, në stadiumin “Godison Park”, shkruan lajmi.net.

Vendasit ishin të parët që kaluan në avantazh pas 29 minutave lojë, kur Harrison ndëshkoi kampionët e rinj të botës. Gol me të cilin u vendos epilogu i pjesës së parë.

Megjithatë, tetë minuta pasi nisi pjesa e dytë, Phil Foden me një supergol nga distanca barazoi shifrat.

11 minuta më vonë, mysafirët fituan penallti nga ku u tregua i saktë Alvarez.

Goditjen e fundit Evertonit ia dha Bernardo Silva që përfitoi nga gabimi i portierit Pickford dhe me një goditje në portën e zbrazur shënoi golin e tretë për Cityn.

Manchester City me këtë fitore ngritet në pozitën e katërt me 37 pikë, pesë larg Liverpoolit lider.

Evertoni është i 17-ti në renditjen tabelore me 16 pikë gjithsej./Lajmi.net/