Më 1 tetor hyjnë në fuqi rregullat e reja në basketboll
Nga 1 tetori i këtij viti do të hynë në fuqi rregullat e reja në basketboll.
Sport
Federata e Basketbollit të Kosovës, ka bërë të ditur se FIBA Instruktori Nacional i Gjyqtarëve, Faton Kurshumlija, do t’i prezantojë këto rregulla para fillimit të kampionatit 2020:2021.
Njoftimi i FBK:
Disa ndryshime në rregullat e basketbollit
Nga 1 tetori i këtij viti do të ketë disa ndryshime në rregullat e basketbollit.
FIBA Instruktori Nacional i Gjyqtarëve, Faton Kurshumlija, ka njoftuar se, deri para fillimit të kampionatit 2020-2021 të njëjtat do t’i gjeni në gjuhën shqipe, kurse klubet dhe gjyqtarët janë njoftuar për këto ndryshime në gjuhën angleze.
Për shkak të pandemisë Covid-19, garat në Superligën e Kosovës në basketboll në konkurrencën e meshkujve dhe femrave janë ndërprerë, derisa nuk do të ketë kampion për edicionin 2019-2020.
Ndërkohë, FIBA ditë më parë u ka dërguar të gjitha Federatave Nacionale, planin se si gjyqtarët e basketbollit të stërvitin në shtëpi, në mënyrë që të mbajnë trupin në formë dhe të respektojnë rregullat.
/Lajmi.net/