Ka përfunduar pjesa e parë e ndeshjes midis Fiorentinës dhe Milanit, shkruan lajmi.net.

Rezultati pas 45 minutave të para është i barabartë 0:0 në stadiumin “Artemio Franchi”.

“Rossonerët” kanë hasur në vështirësi në këtë fraksion të parë të lojës. Fiorentina kishte iniciativën dhe dominoi thuajse në të gjitha aspektet.

Skuadra nga Firence përveç dominimit në posedim të topit, kanë rrezikuar katër herë portën e “kuqezinjve”.

Të besuarit e Piolit kishin vetëm një goditje në portën e nikoqirëve.

Ballafaqimi ndërmjet Fiorentinës dhe Milanit është në kuadër të xhiros së 25-të në Serie A./Lajmi.net/