Trajnimi i realizuar nga ekipi britanik BMATT (British Military Advisory Training Team) ka përfunduar me sukses në Komandën e Doktrinës dhe Stërvitjes (KDS), ku instruktorët e FSK-së u certifikuan sipas standardeve moderne të edukimit ushtarak.

Sipas njoftimit të Forcës së Sigurisë së Kosovës, ky trajnim i formatit rezident kishte për qëllim përgatitjen dhe certifikimin e instruktorëve të kualifikuar për të ngritur më tej kapacitetet profesionale të FSK-së.

Në ceremoninë e certifikimit morën pjesë Ambasadori i Mbretërisë së Bashkuar në Kosovë, Jonathan Hargreaves, Komandanti i KDS-së, Gjeneral brigade Jeton Dreshaj, si dhe oficerë e nënoficerë nga njësitë e FSK-së.

“Ky bashkëpunim dëshmon përkushtimin e Forcës së Sigurisë së Kosovës për ngritjen e kapaciteteve të saj profesionale në përputhje me standardet ndërkombëtare dhe partneritetin e qëndrueshëm me Mbretërinë e Bashkuar”, thuhet në njoftim.