Martinez dhe Sanchez po shfrytëzojnë pushimin, argjentinasi merr lajme të mira
Sulmuesit e Interit Alexis Sanchez dhe Lautaro Martinez po përfitojnë nga kualifikimet e shtyera për Kupën e Botës dhe janë duke u përgatitur për ndeshjen ndaj Bolognas.
Sport
Tuttosport raporton se kiliani dhe argjentinasi janë dy nga tre sulmuesit që kanë qëndruar në Itali dhe po stërviten me klubin, transmeton lajmi.net.
Tutje, thuhet që dy Amerikano-Jugorët do të fillojnë ndeshjen kundër Bolonjës në 3 prill, pasi atyre u është dhënë një pushim më i gjatë.
Kualifikimet e Kupës së Botës të ekipeve të Amerikës së Jugut janë shtyrë për shkak të COVID-19.
Interi ka filluar me Martinez dhe Sanchez në pesë ndeshje, duke marrë tre fitore dhe dy humbje.
Klubi i Interit gjithashtu po përgatitet për rinovimin e Martinezit, i cili do të ndodhë shumë shpejt./Lajmi.net/