Shefi ekzekutiv i Inter, Beppe Marotta, ka dhënë disa komente që lidhen me Milan Skriniar.

Qendërmbrojtësi sllovak, Milan Skriniar vazhdon të lidhet me një largim të mundshëm nga Inter.

Kontrata e lojtarit është afër skadimit dhe skuadra si PSG, Barca e Chelsea janë duke monitoruar situatën e tij. Megjithatë, shefi ekzekutiv i Inter, Marotta beson se një marrëveshje mund të arrihet.

“Milan Skriniar është një top lojtar dhe një profesionist i vërtetë. Nëse ai do të ketë idetë sikur ne, do të ketë një vazhdim kontrate”, ka thënë Marotta, transmeton lajmi.net.

“Ai e ka merituar të jetë kapiteni ynë”, shtoi ai.

Skriniar do të mbetet pa kontratë në qershor të vitit 2023. Inter do të takohen së shpejti me agjentin e tij. /Lajmi.net/