Manchester City ‘shkel’ skuadrën e Fulham, kalon në raundin tjetër të Kupës FA
Manchester City me lehtësi ka siguruar raundin tjetër të garave në Kupën FA.
Sport
Tashmë me pak gjasa për Premierligën, Man City po sigurohet të bëjë një rrugëtim të mirë në Kupën FA, ku sot ka mposhtur skuadrën e Fulham me rezultatin 4:0, shkruan lajmi.net.
Serinë e golave në këtë ndeshje e hapi Ilkay Gundogan, i cili u tregua i saktë nga pika e bardhë e penalltisë, në minutën e 8’. Nga ky moment, Fulham luante pa një lojtarë.
Bernardo Silva u përkujdes për të dyfishuar epërsinë, kur në minutën e 19’ dërgoi topin në rrjetë për 2:0.
Në pjesën e dytë, ‘Citizens’ të udhëhequr nga Pep Guardiola shënuan edhe dy herë. Në të dyja rastet, protagonisti ishte Gabriel Jesus (72’, 75’).
Me këtë fitore, Manchester City do të jetë në raundin e pestë të Kupës FA. /Lajmi.net/