Man Utd nuk blen në janar

Menaxheri i Manchester Unitedit, Louis van Gaal nuk planifikon të sjellë përforcime gjatë afatit kalimtar të janarit, pasi është i kënaqur me skuadrën që aktualisht ka në dispozicion.

Sport

06/11/2014 22:30

Menaxheri i Manchester Unitedit, Louis van Gaal është i kënaqur me skuadrën që ka në dispozicion dhe nuk do të bëjë përforcime gjatë afatit kalimtar të janarit, ka njoftuar e përditshmja britanike “The Guardian”.

Strategu holandez nuk e ka nisur mbarë aventurën në postin e gjigantit nga Old Trafford që gjendet në pozitën e dhjetë me vetëm 13 pikë nga 10 ballafaqime.

Emra të ndryshëm si mesfushori i Romës, Kevin Strootman e qendërmbrojtësi i Borussia Dortmundit, Mars Hummels, janë përmendur si objektiva të Manchester Unitedit për afatin kalimtar të janarit.

Por, duket se holandezi do t’i befasojë të gjithë, e do t’i zhgënjejë tifozët duke mos bërë investime në janar, pas blerjeve të shumta në verë.