Ruslan Malinovskyi mund të përfundojë në Premier League.

Ylli ukrainas i skuadrës së Atalanta, Ruslan Malinovskyi duket se s’është më i lumtur te skuadra nga Bergamo.

Gjatë verës, lojtari mori interesim të madh prej skuadrave nga Premier League. Tani, kampionati anglez shihet si destiancion i mundshëm për të.

Raportime nga ‘Corriere di Bergamo’ thonë se Atalanta mund ta lirojë lojtarin qysh në janar, përcjell lajmi.net.

29-vjeçari lidhej me një kalim të mundshëm te Nottingham ose Tottenham Hotspur, në merkaton e kaluar, por lëvizja s’u formalizua kurrë. Raportimet thonë se një huazim i Malinovskyi në janar s’mund të përjashtohet.

Malinovskyi ka rënë nga formacioni startues i ‘La Dea’, duke startuar vetëm katër herë në Serie A këtë edicion. /Lajmi.net/