Presidenti i Francës, Emmanuel Macron ka zhvilluar një bisedë telefonike me presidentin e Iranit, Massoud Pezeshkian.

Macron në bisedën me Pezeshkian i kërkoi fillimisht lirimin e dy francezëve që po mbahen peng nga regjimi iranian, shkruan lajmi.net

Tutje, lideri i Francës i kërkoi presidentit iranian që të kthehet shpejt në tryezën e negociatave për të arritur një marrëveshje mbi programin bërthamor të Iranit.

Postimi i plotë i Emmanuel Macron:

Sapo fola me Presidentin iranian Massoud Pezeshkian.

Mesazhi im i parë ishte të kërkoja lirimin e menjëhershëm të bashkatdhetarëve tanë, Cécile Kohler dhe Jacques Paris, të cilët janë mbajtur peng nga regjimi iranian në kushte të papranueshme për më shumë se tre vjet.

Në dritën e rrezikut serioz të destabilizimit në të gjithë rajonin, bëra thirrje që objektet tona diplomatike dhe shtetasit në Iran dhe në rajonin e gjerë të mos jenë në shënjestër në asnjë rrethanë. Gjithashtu bëra thirrje për përmbajtje maksimale për të shmangur përshkallëzimin.

Programi bërthamor i Iranit është një shqetësim serioz dhe duhet të zgjidhet përmes negociatave.

Prandaj, e ftova presidentin Pezeshkian të kthehet shpejt në tryezën e negociatave për të arritur një marrëveshje – e vetmja rrugë e qëndrueshme për de-përshkallëzim.

Ne jemi të gatshëm të kontribuojmë dhe të mobilizojmë të gjitha përpjekjet tona për të arritur këtë qëllim./lajmi.net/

I have just spoken with Iranian President Massoud Pezeshkian.

My first message was to demand the immediate release of our compatriots, Cécile Kohler and Jacques Paris, who have been held hostages by the Iranian regime in unacceptable conditions for over three years.…

— Emmanuel Macron (@EmmanuelMacron) June 14, 2025