Kuvendi Komunal i Gjilanit ka hapur procedurë prokurimi për furnizimin me një automjet për Kryetarin e Komunës, me vlerë të parashikuar prej 25 mijë eurosh.

Sipas njoftimit për kontratë, bëhet fjalë për një automjet, ndërsa procedura është e hapur dhe zhvillohet sipas Ligjit për Prokurimin Publik në Republikën e Kosovës.

Afati për dorëzimin e ofertave është caktuar më 7 shtator 2026, në ora 14:00.

Njoftimi është publikuar më 17 gusht 2026, ndërsa data e dërgimit të njoftimit është 14 gusht 2026.

Vlera e parashikuar e kontratës është 25,000 euro, që nënkupton se Komuna e Gjilanit ka paraparë deri në këtë shumë për blerjen e veturës për kryetarin e Komunës. /Lajmi.net/