Liverpooli po përgatit një ofertë prej 95 milionë eurosh për Nico Williams, duke synuar ta sjellë anësorin spanjoll në Anfield nga Athletic Bilbao.

Sipas raportimeve, klubi anglez është i gatshëm të paguajë klauzolën e lirimit të lojtarit, e cila u rrit pas rinovimit të kontratës së tij deri në vitin 2035. Interesi vjen në një moment kur e ardhmja e Mohamed Salah konsiderohet e pasigurt dhe trajneri Arne Slot po kërkon një pasues të nivelit të lartë.

Edhe pse Nico Williams kishte shprehur besnikëri ndaj Athletic Bilbaos, situata aktuale sportive e klubit dhe mungesa e rezultateve në arenën evropiane kanë bërë që ai ta shqyrtojë seriozisht një largim. “The Sun” raporton se Liverpooli po e ndjek nga afër dhe se interesi është i vërtetë dhe i vazhdueshëm, pavarësisht problemeve fizike që lojtari ka kaluar këtë sezon.

Nëse transferimi realizohet, ai do të ishte shitja më e shtrenjtë në historinë e Athletic Bilbaos. Për Nico Williams, një kalim në Premier League do të thoshte pjesëmarrje të rregullt në Ligën e Kampionëve dhe një hap i madh përpara në karrierë, ndërsa për Liverpoolin do të ishte një tjetër investim madhor në ndërtimin e një skuadre konkurruese për të gjithë titujt.