Presidenti i FC Drita, Valon Murseli ka reaguar ashpër pas publikimit të listës së futbollistëve të ftuar nga trajneri i Kosovës, Primoz Gliha, për ndeshjet kualifikuese të muajit nëntor.

Gliha në listën prej 23 futbollistëve të ftuar, ka përzgjedhur edhe pesë lojtarë nga klubet e Superligës së Kosovës.

Nga pesë lojtarët e Superligës, asnjëri nuk ishte i Dritës, tre herë kampiones së Kosovës dhe skuadrës që bëri gara edhe në Ligën e Konferencës.

Portieri i Dukagjinit, Kenan Haxhihamza, dyshja e Ballkanit, Lumbardh Dellova e Qëndrim Zyba dhe dyshja e Llapit, Ilir Krasniqi e Muhamet Hyseni janë lojtarët e Superligës që janë ftuar te Kosova.

REAGIMI I PLOTË:

Kombëtarja e Kosovës jo rastësisht e ka prek fundin!

Për lojtarët e FC DRITA përsëri nuk ka ftesë nga Kosova, jo pse nuk ka kualitete por që inatet personale te njerezve në FFK janë të ulta ku shkojnë përtej imagjinatës.

Kështu ndodhë edhe me futbollistë që po e refuzojnë Kosovën. Nëse nuk i shkojnë për qefi drejtorit të kombtares, nuk merr ftesë, nuk ka lidhje pse dëmtohet Kosova.

Drejtori i kombtares as nga kto rrethana nuk e ka pa të arsyshme të ftoj futbollist të Dritës! A e dini pse?!Sepse Drita nuk i nënshtrohet kurr zhvatsit të pozites së drejtorit të kombetares.

Kjo ndodhe sepse sigurisht që i pëlqen kjo sjellje edhe kreu i FFK-se ne raport me Driten.

Institucioni i FFK-se nuk duhet te lejoj kso marrezirash nga nje drejtor zhvates sepse nuk po e demton Driten, por po e demton futbollin kosovar./Lajmi.net/