Leicester City ka fituar ndeshjen ndaj Tottenham.

‘Dhelprat’ mposhten me përmbysje 4:1 skuadrën e ‘Spurs’, shkruan lajmi.net.

Tottenham e nisën më mirë ndeshjen, duke shënuar qysh në minutën e 14’.

Ishte Rodrigo Bentancur ai që realizoi dhe i dha epërsinë ‘Spurs’.

Por, Leicester City reaguan shpejt dhe përmbysën rezultatin brenda dy minutave.

Fillimisht ishte Nampalys Mendy që në minutën e 23’ shënoi dhe barazoi shifrat në 1:1.

Kurse, në të 25-tën minutë ishte James Maddison ai që përmbysi gjithçka.

Në 45 minutat e parë, Leicester gjetën edhe golin e tretë, ishte Kelechi Iheanacho ai që realizoi në kohën shtesë.

Kështu pjesa e parë u mbyll 3:1 në favor të Leicester City.

Edhe në 45 minutat e tjerë më të mirë ishin vendasit.

Ata madje shënuan edhe golin e katërt, ishte Harvey Barnes që nokautoi Tottenham, pasi shënoi në minutën e 81′.

Pas kësaj fitoreje, Leicester ngjiten në vendin e 13 me 24 pikë, kurse Tottenham qëndron në vendin e pestë me 39 pikë gjithsej./Lajmi.net/