Leeds United është detyruar të mbyllë stadiumin e tyre ‘Elland Road’ pasi është alarmuar për një kërcënim sigurie.

Të premten në mëngjes, Policia e West Yorkshire njoftoi Leeds United se një kërcënim ishte bërë kundër klubit.

Sipas ‘The Athletic’, oficerët e policisë tani po kryejnë inspektime rreth rrugës Elland pas një kërcënimi të bërë në mediat sociale, transmeton lajmi.net.

Edhe pse aktualisht është pushimi ndërkombëtar dhe ‘Elland Road’ është më e qetë se zakonisht, Leedsit iu desh të merrte masa drastike kur u njoftua nga autoritetet.

Klubi ka lëshuar deklaratën e mëposhtme:

“Zyrat e Leeds United, biletat, zyrat e Fondacionit dhe dyqani i klubit në Elland Road do të jenë të mbyllura deri në njoftimin e mëtejshëm me këshillën e policisë.

Kërkojmë ndjesë për çdo shqetësim dhe do të informojmë publikun kur të rifillojë shërbimi normal”.

Kjo nuk është hera e parë këtë sezon që një klub i Premier Liga është alarmuar për rreziqet e sigurisë nga policia./Lajmi.net/