Lara Colturi, skiatorja me origjinë italiane që përfaqëson Shqipërinë në skitë alpine, ka treguar për Olympic Channel historinë e saj dhe ëndrrën e madhe për të arritur podiumin në Lojërat Olimpike Dimërore “Milano Cortina 2026”.

Ajo është bijë e Daniela Ceccarellit, dy herë medaliste e artë olimpike, dhe bën pjesë ndër garueset më premtuese të skive botërore.

Rruga në sport dhe stërvitja

Lara përshkruan përvojën e saj si “e thjeshtë, argëtuese dhe e luftuar”: “Është e sigurt që duhet shumë punë dhe shumë sakrificë. Nevojitet të vazhdohet dhe të kërkohet për ta riprovuar dhe për ta rinisur edhe një herë nga e para”.

Ajo shton se dëshiron të paraqesë vetveten si sportiste dhe jo vetëm si “vajza e dikujt”: “Unë dua të paraqesë vajzën që jam, apo të paraqesë 18‑vjeçaren që jam.” Lara stërvitet çdo mëngjes, shpesh që nga lindja e diellit, për të përmirësuar formën e saj dhe për të arritur rezultate të larta.

Familja dhe fillimet në ski

E ëma, Daniela Ceccarelli, tregon se Lara “ka lindur në borë dhe në male” dhe ka filluar të bëjë ski që nga moshë shumë e vogël: “Kam nisur të bëj ski që kur isha dy vjeçe.” Lara kujton me emocion se si stërvitjet dhe gara të vogla në fëmijëri u kthyen në pasion dhe përpjekje serioze: “Është një kohë e gjatë në borë e në akull… Më pëlqente kur më nxitnin: ‘Jepi dhe mos ki frikë.’ Janë emocione të papërshkruara.” Skitë kanë qenë gjithmonë pjesë e familjes së saj — stërgjyshi garoi në Olimpiadë, dhe e ëma fitoi medaljen e artë Olimpike në Salt Lake City 2002.

Garimi për Shqipërinë

Lara zgjodhi të garojë për Shqipërinë, jo Italinë, një vendim që lidhet me mbështetjen që i është dhënë nga Federata Shqiptare e Skive dhe mënyrën se si familja e saj ka ndihmuar në ndërtimin e karrierës së saj në skitarinë ndërkombëtare, në sajë të suportit sportiv dhe financiar. Ajo shprehet se ky vendim erdhi natyrshëm, sepse familja ka qenë gjithmonë e bashkuar: “Unë kam pranuar të garoj për Shqipërinë sepse ne kemi qenë gjithnjë të bashkuar, dhe unë kam patur gjithmonë nevojë për mbështetjen e tyre”.

Podiumet dhe konkurrenca ndërkombëtare

Lara Colturi ka arritur podiumet e para në gara të rëndësishme, përfshirë vende të larta në Kupën e Botës, ku është renditur mes garueseve kryesore, herë pas here edhe përballë emrave të mëdhenj si Mikaela Shiffrin. Ajo ka përjetuar emocionet e podiumeve të para dhe kujton: “Podiumi im i parë në slalomin gjigant në Kranjska‑Gora ka qenë një ditë e jashtëzakonshme…”

Mentaliteti dhe motivimi

Lara flet hapur për mënyrën se si e sheh jetën e saj si sportiste: “Nuk mund ta imagjinoj jetën pa prindërit e mi trajnerë”. Ajo pranon se ndarjet midis rolit të prindit dhe trajnerit janë të vështira, por shprehet se përvoja e tyre së bashku ka shërbyer për rritjen e saj. Colturi thotë se e di që do të ketë edhe momente të vështira, por është e gatshme t’i përballojë: “Jam e sigurt që do të ketë periudha të vështira për të cilat duhet të rezistoj…”

Ëndrra Olimpike

Lara ka shpresa të mëdha për Lojërat Olimpike “Milano‑Cortina 2026”, që do të jenë të para në karrierën e saj. Ajo dëshiron të bëjë historinë, ndjekur nga pasioni dhe puna që ka bërë gjithë jetën: “Do të më pëlqente të bëhesha pjesë e historisë së Olimpiadave, dhe të arrija të paktën një vend në podium”.