Ditë më parë Lajmi.net ka siguruar fotografinë e qytetarit nga Prizreni, Sefer Fetahu i cili u rrah brutalisht nga një polic në detyrë zyrtare.

Një zyrtar policor raportohet t’i ketë kaluar autorizimet e përcaktuara në kuadër të Policisë së Kosovës duke e rrahur brutalisht një qytetar.

Ngjarja raportohet të ketë ndodhur me 16 qershor kur qytetari ishte ndaluar nga policia fillimisht për një kundërvajtje në trafik, e më pas ngjarja kishte marrë kahje tjetër.

Pas disa veprimeve hetimore në konsultim me Prokurorinë Themelore në Prizren, hetuesit e IPK-së kanë arrestuar zyrtarin policor që ishte përfshirë në këtë incident.