Kryeministri në detyrë i Republikës së Kosovës, Albin Kurti, zhvilloi një takim me Ekipin e Kombeve të Bashkuara në Kosovë (UNKT), të udhëhequr nga Koordinatori për Zhvillim i OKB-së, Stephen O’Malley.

Gjatë takimit, kryeministri Kurti dorëzoi formalisht dokumentin e miratimit të Planit Strategjik të UNKT 2026–2030, duke riafirmuar përkushtimin e përbashkët për avancimin e prioriteteve zhvillimore të Kosovës dhe zbatimin e Agjendës 2030, transmeton lajmi.ne.

Ai theksoi se prioritetet e identifikuara në Planin Strategjik – si zhvillimi i kapitalit njerëzor, llogaridhënia në qeverisje, sundimi i ligjit dhe zhvillimi i qëndrueshëm ekonomik – përputhen me prioritetet e Qeverisë së Kosovës dhe nevojat e qytetarëve.

Kryeministri në detyrë shtoi se qëllimi është që këto prioritete të përkthehen në përmirësime konkrete: shërbime më të mira, më shumë vende pune, institucione më të forta dhe zhvillim të qëndrueshëm që përfshin të gjitha komunitetet.

Ai gjithashtu falënderoi Ekipin e OKB-së për mbështetjen, angazhimin dhe ekspertizën në rrugën e zhvillimit të Kosovës.

Komunikata e plotë: