Real Madridi dhe Barcelona e zhvillojnë sonte një tjetër “El Classico” në futbollin spanjoll.

Dy rivalët e përbetuar do të ballafaqohen në kuadër të gjysmëfinales së parë të Kupës së Mbretit, shkruan lajmi.net.

Stadiumi “Santiago Bernabeu” është arenë e përballjes ndërmjet “mbretërve” dhe “katalunasve” me fillim nga ora 21:00.

Ekipi i drejtuar nga Carlo Ancelotti po konsiderohet favorit i madh për ta fituar ndeshjen e parë, sipas kompanisë së madhe të basteve sportive “bet365.com”.

Kuota për fitoren e Real Madridit llogaritet 1.91, barazimi 3.50, ndërsa për triumfin e Barcelonës kuota është 4.00.

Kjo është përballja e dytë ndërmjet Real Madridit dhe Barcelonës këtë vit.

Më parë janë përballur më 15 janar në kuadër të Superkupës së Spanjës, të cilën Barcelona e fitoi 1:3./Lajmi.net/