Faza gjysmëfinale në Ligën e Kampionëve rikthehet sonte me ndeshjen kryesore Real Madrid – Manchester City.

Stadiumi “Santiago Bernabeu” në Madrid është arenë e përballjes së gjigantëve të futbollit evropian, shkruan lajmi.net.

Sfida e cila po konsiderohet si “finale para finales” do të zhvillohet nga ora 21:00.

Kompania e basteve sportive “Unibet” ka publikuar kuotat e këtij ballafaqimi.

Kuota për fitoren e Real Madridit llogaritet 3.35, barazimi 3.65, ndërkohë për triumfin e Man Cityt kuota është 2.20.

“Mbretërit” arritën deri në këtë fazë pasi eliminuan Chelsean, ndërkohë City triumfoi ndaj Bayern Munich në çerekfinale.

Ndeshja e kthimit do të zhvillohet një javë më vonë në stadiumin “Etihad” në Manchester.

Skuadra që fiton me rezultat të përgjithshëm nga dyja takimet luan në finale me fituesin e duelit tjetër gjysmëfinal Milan – Inter./Lajmi.net/