Mesfushori i Real Madridit, Toni Kroos i është përgjigjur Wayne Rooneyt, pasi ish-reprezentuesi anglez tha se nuk do të kishte krahasim mes Manchester Cityt dhe Real Madridit në përballjen e tyre në gjysmëfinale të Ligës së Kampionëve.

Rooney kishte thënë disa ditë më parë se Real Madridi do të shkatërrohej nga Manchester City dhe se skuadra e Pep Guardiolës tani është shumë më e mirë se kundërshtarët e tyre.

“Mendoj se është gjithmonë e njëjta gjë, mbaj mend që ata thanë një ose dy gjëra vitin e kaluar, askush nuk priste që ne ta fitonim atë dhe ne ishim në gjendje ta bënim këtë. Përveç fjalëve që tha, Rooney është një djalë që më pëlqen shumë” – tha Kroos në konferencën e sotme për media para ndeshjes së të martës mbrëma, njofton Football-Espana, transmeton lajmi.net.

“Kjo nuk na ndikon dhe nuk na motivon më shumë, sepse është e pamundur të jesh më i motivuar”.

Real Madridi dhe Manchester City e zhvillojnë të martën nga ora 21:00 ndeshjen e parë gjysmëfinale në Ligën e Kampionëve.

Ndeshja e kthimit në “Etihad Stadium” zhvillohet një javë më vonë./Lajmi.net/