Kryetari i Komunës së Shtimes, Qemajl Aliu, ka zgjedhur t’i japë një rëndësi të veçantë shtrimit të disa metrave asfalt – dhe këtë jo në ndonjë rrugë kryesore apo projekt strategjik, por pranë sallonit të të pames në qytet.

Edhe pse nga fotografitë shihet qartë se bëhet fjalë për një sipërfaqe modeste asfalti, Aliu – që vjen nga radhët e Vetëvendosjes – është shprehur publikisht krenar për këtë “arritje”, duke e paraqitur si një investim që do të “sjellë ndryshim të madh”, transmeton lajmi.net

Në profilin e tij në Facebook, ai ka shkruar:

“Në çdo cep të qytetit po shtohet nga një arsye për të buzëqeshur 😊 Këto ditë është asfaltuar edhe rruga pranë Sallonit të të Pames në Shtime, një investim i vogël që sjell ndryshim të madh për qytetarët tanë.”./lajmi.net/