Anëtari i VV-së në KQZ, Alban Krasniqi iu ka reaguar ambasadorëve në Kosovë në lidhje me moscertifikimin e KQZ-së, veprim të cilin ndërkombëtarët e kanë parë me shqetësim.

Ai përmes një postimi në Facebook, ka thënë se shqetësimi i vërtetë do të duhej të ishte ngulfatja e të drejtës demokratike dhe pjesëmarrjes politike të komunitetit serb nga ana e Listës serbe.

“Lista Serbe përveç faktit që është pjesëmarrëse direkte në sulmet dhe veprimet kriminale dhe terroriste kundër rendit kushtetues, ajo gjithashtu kontrollon dhe menaxhon me financat e Vuçiqit në Kosovë duke shantazhuar qytetarët serb në Kosovë dhe duke i përdorur ato mjete për financimin e kriminelëve që kanë sulmuar përveç policisë së Republikës së Kosovës edhe vet pjestarët e KFOR, pra bashkëkombasit tuaj”, ka shkruar Krasniqi.

Ai ka listuar edhe një shqetësim tjetër, për çka i ka bërë bashkë opozitën me Listën Serbe.

“E dyta, është heshtja juaj ndaj bllokimit që opozita me Listën Serbe po i bëjnë ushtrimit të së drejtës demokratike të mërgatës për të votuar”, ka shtuar Krasniqi në Facebook.

Ambasada e Britanisë së Madhe, ajo e Gjermanisë, Italisë, SHBA-ve dhe OSBE-ja, kanë reaguar pasi KQZ nuk e ka certifikuar Listën Serbe dje në mbledhjen e KQZ-së.

Ata janë shprehur të shqetësuar në lidhje me këtë veprim, ndërsa ambasada e SHBA-ve e ka quajtur veprim përçarës të VV-së. /Lajmi.net/ 

Postimi i plotë i Krasniqit: