Komisioni Qendror Zgjedhor ka mbajtur sot mbledhjen e radhës.

Në këtë mbledhje është marrë vendim që të rinumërohen votat për kandidatë në të gjitha komunat.

Fillimisht ishte marrë vendim për 10 komuna, ndërsa sot u mor vendim edhe për 28 komuna të tjera.

E nga komunat ku u rinumëruan deri tani doli se në Prizren pati më tepër vjedhje.

Kësisoj gjatë mbledhjes së sotme u votua edhe për shkarkimin e përfaqësuesve të partive politike në Komisionin Komunal në Prizren.

Me 11 vota për është miratuar vendimi për rinumërim dhe për shkarkimin e përfaqësuesve./Lajmi.net/