Kombëtarja e Holandës i është bashkuar asaj të Amerikës në finalen e Kupës së Botës për femra, pas fitores 1:0 ndaj Suedisë.

Fund i kësaj përballje gjysmëfinale solli një lëndim të rëndë për futbollisten nga Kosova, Kosovare Asllani, që mbron ngjyrat e Suedisë.

Asllani u lëndua në fund të pjesës së dytë të vazhdimeve, dhe largimi i saj nga fusha u bë me barelë.

29 vjeçarja nga Kosova, ishte lojtarja më e mirë e Suedisë në këtë kampionat botëror, duke pasur merita të mëdha për arritjen deri në gjysmëfinale./Lajmi.net/