Kosova e ka deklasuar Qipron në ndeshjen e vlefshme për Ligën e Kombeve.

Përballja e luajtur në stadiumin “Fadil Vokrri” foli totalisht në të mirë të “Dardanëve” që e dominuan ndeshjen nga fillimi deri në fund.

Serinë e golave e hapi Florent Muslija në minutën e 21’, falë një supergoditjeje që e la pa gjasa portierin.

Gjithsesi, ky do të ishte vetëm fillimi, sepse po rezervoheshin edhe katër gola të tjerë.

Në fund të pjesës së parë ishte Donat Rrudhani ai që e “çoroditi” mbrojtjen mysafire për 2-0.

Goli i tretë erdhi pak minuta pas fillimit të pjesës së dytë me Elbasan Rashanin.

Dy herë të tjera shënoi Muriqi për epilogun përfundimtar 5-1. /Lajmi.net/